NOIZ: Azaroaren 18 eta 25ean, arratsaldeko 19:00-21:00.
NON: Gallartako Musika Eskolan.
NOREKIN: Katxarrada Perkusiko Taldearekin (Sestao).

Djenbea ekartzerik baduzu, ekarri! Bestela, lasai, guk utziko dizugu bat.

EMAN IZENA!!!

Antolatzaileak: Axola Euskara Elkartea (94 636 94 47)

Olentzaro Ttipi Lehiaketa

Lehiaketaren oinarriak:

1) Lehiaketan Abantoko ikastetxeek, alde batetik, eta edozein abantarrek, beste aldetik, har dezakete parte. Azken kasu honetan, Abantoko Udalean erroldatuta egotea da betekizun bakarra.
2) Panpinak ezin izango ditu 40 cm. baino gehiago izan, ez altueran, ezta zabaleran ere.
3) Panpina egiteko lehengaia librea izango da (egurra, papera, harria, buztina……).
4) Olentzero panpinak Abanto Euskaltegian (Peñukas 13, Gallarta) eman behar dira abenduaren 15ean baino lehen.
5) Lehiaketa irabazten duten obrak antolatzaileen esku geratuko dira. Gainerakoak urtarrilaren 8a baino lehen jaso behar dira, bestela antolatzaileek erabakiko dute zer egin beraiekin.
6) Arloak: Lehiaketa bi arlotan banatuta egongo da: Ikastetxeetako ikasleen artekoa eta Librea.

A - IKASTETXEEN ARTEKO LEHIAKETA
1) Arlo honetan Abantoko ikastetxeetako (Askartza-Isusi, Buenos Aires eta El Casal ikastetxeak, Etorkizuna Ikastola, Dolores Ibarruri Institutua eta Abanto Euskaltegia – AEK) ikasleek soilik har dezakete parte.
2) Arlo hau hiru ataletan banatuta egongo da:
1. atala – Zortzi urte edo gutxiago duten ikasleek egindako lanen artean.
2. atala – Zortzi urtetik 12 urte bitarteko ikasleek
3. atala – Hamabi urtetik gorako ikasleek egindako lanen artean.

3) Ikastetxeek soilik aurkez dezakete bina Olentzero ataleko.
4) Laguntza - Panpinak egiteko, ikastetxe bakoitzak 150 euroko laguntza jasoko du.
5) Atal bakoitzak honako sari hauek izango ditu:
1. saria – Diploma eta euskaraz ekoiztutako materiala erosteko 200 euroko bonoa
2. saria – Diploma eta euskaraz ekoiztutako materiala erosteko 100 euroko bonoa

B - LEHIAKETA LIBREA
1) Partehartzaile guztiak sartzen dira arlo honetan, ikastetxekoak, baita ez direnak ere
2) Arlo honek honako sari hauek izango ditu:
1. saria – Diploma eta euskaraz ekoiztutako materiala erosteko 300 euroko bonoa
2. saria – Diploma eta euskaraz ekoiztutako materiala erosteko 150 euroko bonoa
3) Arlo bateko eta besteko sariak ez dira metagarriak
4) Epaimahaia Beatriz Artaza margolariak, Udaleko ordezkari batek eta Axola Euskara Elkarteko taldeko ordezkari batek osatuko dute.
5) Sariren bat esleitu gabe gera daiteke epaimahaiak horrela erabakiz gero.
6) Sari banaketa abenduaren 18an, ostirala, arratsaldeko 18,30etan, Las Carreraseko Haritzalde udal aretoan izango da.
7) Saria eskura ahal izateko, banaketa saioan egileek edota beraien ordezkariek izan behar dute.

ANIMATU ETA PARTE HARTU!!!

Antolatzaileak: Axola Euskara Elkartea eta Meatzaldeko AEK

Muskizko XX.Euskararen Astea

Azaroaren 2tik 8ra Muskizen XX. Euskararen Astea ospatuko da. Antzerkiak, filmak, ikuskizunak, kontzertuak, bertso-bazkaria... Etorri eta disfrutatu euskaraz!

Egitaraua ikusi

Antolatzaileak: Muskizko Euskara Zerbitzua

Udagoieneko Ostera'09

Topagunea Euskara Elkarteen Federazioak antolatzen duen Udagoieneko Ostera kultur zirkuituak aurten 10 URTE betetzen ditu.

Hori dela eta, urteurrena gurekin ospatzera gonbidatu nahi zaituztegu. Antzerkia, bakarrizketak, kontzertuak, aurre estreinaldiak… baduzu non aukeratu.
Udagoieneko Osterak zortzi emanaldik osatuko dute, eta haietako bakoitza Bizkaiko herri batean izango da urriaren 30etik abenduaren 26ra bitartean: Zornotza, Ortuella, Bilbo, Durango, Areeta (Getxo), Arrigorriaga, Zalla eta Santurtzin.

Udazkenero Udagoieneko Ostera hasten da, kulturaren presentzia anitzaren aldeko apustua. Zatoz gurekin kulturaz gozatzera!

Antolatzailea: Topagunea Euskara Elkarteen Federazioa

Mendi irteera

Iraganari begirada bat:

Noiz: Urriaren 25ean, domeka.

Nora: San Adriango Tunelera. Aguraingo Erromatar Galtzada eta Aizkomendiko Trikuharria.

Irteera Lekua: Gallartako Osasun Zentroa.

Ordua: 10:00etan

ANIMATU ETA ETORRI GUREKIN!!

Harremanetarako: Axola Euskara Elkartea / 94 634 94 47

Nafarroa Oinez'09

Txikiak handi egin nahi ditugulako domekan, hilak 18,

denok Arbizu, Lakuntza eta Arruazura!!!

V. Burdin-jaia

Asteburu honetan, hilak 10 eta 11, Abanto-Zierbenan V. Burdin-jaia ospatuko da.

Jokoak, ikuskizunak, bazkaria, harrizulatzaileak... Ez galdu euskal burdina usaintzeko aukera paregabe hau eta hurbil zaitez meatzaldeko herri honetara!