2011/12/21

Olentzero badator!!

Horra! Horra! Gure Olentzero! Pipa hortzetan duela, eserita dago...
Atera zaitezte abenduaren 24an, larunbata, Olentzerorekin batera kantatzera.

2011/12/09

Olentzaro Ttipi Lehiaketa

OINARRIAK


1) Lehiaketan Abantoko ikastetxeek, alde batetik, eta edozein abantarrek, beste aldetik, har dezakete parte. Azken kasu honetan, Abantoko Udalean erroldatuta egotea da betekizun bakarra.
2) Panpinak ezin izango ditu 40 cm. baino gehiago izan, ez altueran, ezta zabaleran ere.
3) Panpina egiteko lehengaia librea izango da (egurra, papera, harria, buztina……).
4) Olentzero panpinak Abanto Euskaltegian (Peñucas 13, Gallarta) eman behar dira abenduaren 15ean baino lehen.
5) Lehiaketan saritzen diren obrak antolatzaileen esku geratuko dira. Gainerakoak urtarrilaren 11 baino lehen jaso behar dira, bestela antolatzaileek erabakiko dute zer egin beraiekin.
6) Arloak: Lehiaketa bi arlotan banatuta egongo da: Ikastetxeetako ikasleen artekoa eta Librea.


A - IKASTETXEEN ARTEKO LEHIAKETA
1) Arlo honetan Abantoko ikastetxeetako (Askartza-Isusi, Buenos Aires eta El Casal ikastetxeak, Etorkizuna Ikastola, Dolores Ibarruri Institutua eta Abanto Euskaltegia – AEK) ikasleek soilik har dezakete parte.
2) Arlo hau hiru ataletan banatuta egongo da:
1. atala – Zortzi (8) urte edo gutxiago duten ikasleek egindako lanen artean.
2. atala – Bederatzi (9) urtetik hamaika (11) urte bitarteko ikasleek
3. atala – Hamabi (12) urtetik gorako ikasleek egindako lanen artean.
3) Ikastetxeek soilik aurkez dezakete bina Olentzero ataleko.
4) Laguntza - Panpinak egiteko, ikastetxe bakoitzak 130 euroko laguntza jasoko du.
5) Atal bakoitzak honako sari hauek izango ditu:
1. saria – Diploma eta euskaraz ekoiztutako materiala erosteko 180 euroko bonoa
2. saria – Diploma eta euskaraz ekoiztutako materiala erosteko 80 euroko bonoa


B - LEHIAKETA LIBREA
1) Partehartzaile guztiak sartzen dira arlo honetan, ikastetxekoak, baita ez direnak ere
2) Arlo honek honako sari hauek izango ditu:
1. saria – Diploma eta euskaraz ekoiztutako materiala erosteko 275 euroko bonoa
2. saria – Diploma eta euskaraz ekoiztutako materiala erosteko 125 euroko bonoa
3) Arlo bateko eta besteko sariak ez dira metagarriak
4) Epaimahaia Beatriz Artaza margolariak, Udaleko ordezkari batek eta Axola Euskara Elkarteko taldeko ordezkari batek osatuko dute.
5) Sariren bat esleitu gabe gera daiteke epaimahaiak horrela erabakiz gero.
6) Sari banaketa abenduaren 23an, ostirala, arratsaldeko 18,00etan, Las Carreraseko Haritzalde udal aretoan izango da.
7) Saria eskuratu ahal izateko, banaketa saioan egileek edota beraien ordezkariek izan behar dute.




Informazio gehiago: 94 636 94 47

2011/12/04

Durangoko Azoka 2011



Noiz: Abenduaren 4tik 8ra.
Non: Durangon.
Zer: Liburuak, diskoak, kontzertuak, ekitaldiak, hitzalditxoak...


Kontsumitu euskaraz! Kontsumitu euskal kultura!

2011/11/18

Kantafaria





Euskararen eguna nola eta kantan eta dantzan ospatu dugu EUSKI taldearekin! Animatu eta etor zaitez!


Noiz: abenduaren 3an, larunbata.
Non: Las Carrerasen.
Ordua: 20:00etan kalejira eta 22:00etan afaria Angulorenean.
Prezioa: 20 euro.





Informazio gehiago: 94 636 94 47

2011/11/04

Izan zaitez GURASOLAGUN

Zeu ere parkean hainbat ordu ematen dituzula zure seme-alabarekin?
Ordu horiek euskaraz eman nahi dituzula?
Guraso euskaldun gehiago ezagutu nahi dituzula?
Zure hizkuntza ohiturak aldatu nahi dituzula?

Galdera hauei zein beste hainbati erantzuna emateko: IZAN ZAITEZ GURASOLAGUN!!!

Informazio gehiago: Meatzaldeko Berbalagun

2011/10/12

Nafarroa Oinez 2011

Nafarroan ere euskararen alde lan egin nahi dugulako:

EnlaceNoiz: Igandean, urriaren 16an
Non: Tafallan.

Autobusa egongo da meatzaldetik!!
Informazio gehiago hemen

2011/10/03

Aldizkaria: iraileko alea

Hemen duzue Axola Euskara Elkarteak kaleratutako aldizkariaren azken alea, 21. alea. Oraingoan ere, bitxikeriak, istorioak, kultura... eta neskak!!! Bai, horixe! Abanto Futbol Taldeko neskekin egon ginen, gustura egon ere! Hamaika gauza kontatu zizkiguten, ez ezazue elkarrizketa irakurtzeko partida galdu!






2011/09/19

Matrikulazio epea zabalik

Meatzaldean ere euskaraz nahi dugulako...

MATRIKULA ZAITEZ!!




2011/05/30

Sari banaketa: IX. Izkribu lehiaketa

Gogoratuko duzuen bezala, aurten ere Meatzaldeko Izkribu Lehiaketa antolatu dugu; IX. lehiaketa hain zuzen ere. Idazki guztiak bildu, irakurri eta epaitu ondoren; hurrengo ekainaren 7an, asteartea, arratsaldeko 19:30ean sari banaketa izango da.

Hurbil zaitezte, ondo pasatuko dugu eta!

Antolatzailea: Meatzaldeko AEK ikasgua

2011/05/10

Meatzaldeko IX. Izkribuen lehiaketa

LEHIAKETA IREKIA
Nork har dezake parte?
Partaideek 16 urte beteta izan edota bete behar dituzte 2011. urtean. Lanak euskaraz eta lehiaketa honetarako ex professo eginda izan behar du. Izkribuaren hitz kopurua, gehienez jota, 1000 hitzetakoa izango da. Maiatzaren 25a lanak aurkezteko azken eguna da. Lana meatzaldeko edozein udaletxe edota euskaltegitan aurkez daiteke.
Sariak
Irabazlea- Oroigarria eta 300 euro.
Meatzaldeko 1. sailkatua- Oroigarria eta 200 euro.

Meatzaldeko ikasleen arteko lehiaketa
Nork har dezake parte?
Meatzaldeko (Muskiz, Abanto-Zierbena, Ortuella eta Trapagaran) edozein euskaltegi edota ikastetxetan matrikulatutako edonork. Goian zehaztutako gainerako baldintzak ere bete behar dira.
Sariak
1. maila: Lehenengo saria- Oroigarria eta 100 euroko bonoa.
Bigarren saria- 50 euroko bonoa.
2. maila: Lehenengo saria- Oroigarria eta 100 euroko bonoa.
Bigarren saria- 50 euroko bonoa.
3. maila: Lehenengo saria- Oroigarria eta 100 euroko bonoa.
Bigarren saria- 50 euroko bonoa.

Antolatzailea: Meatzaldeko AEK ikasgua (94 636 94 47)
Babeslea: Muskizko Udala, Abanto-Zierbenako Udala, Ortuellako Udala eta Trapagarango Udala.

2011/04/15

Meatzaldean ere KORRIKA nahi dugu!

Korrika 17 bidean da!

Pausoz pauso euskararen alde, urratsez urrats meatzalde euskaldun baten alde. Maitatu, ikasi, ari... denok gara EUSKALAKARI! Abanton eguerdiko 13:04an izango dugu lekukoa jaso eta oihu egiteko aukera: Ttipi-ttapa ko-rri-ka!! Jantzi petoa, zapata erosoak, mingain berbatia eta atera kalera!

2011/04/13

Bizi euskaraz!















Aurten ere hamaika lagun bildu, bizikleta hartu eta euskararen alde urratsak egin genituen aurrera!

2011/04/08

Bizikleta-martxa


HARTU ZURE TXIRRINGA ETA ETORRI GUREKIN!!


Noiz: apirilaren 10ean, igandea
Ordua: 12:00etan
Ibilbidea: Dolores Ibarruri institutua – San Fuentes – Los Castaños – Gallarta.
Oparia: Elastikoa

Euskararen alde: AEK, Korrika 17, Axola Euskara Elkartea eta Abanto-Zierbenako udala

Bertso afaria

Fredi Paia eta Sustrai Colina bertsotan arituko dira hurrengo apirilaren 15ean, ostirala. Bai, bai, hurrengo ostiralean! Izan ere, Korrika Abanto-Zierbenatik pasatuko dela ospatu beharra dago, ezta? Ez al da, ba, plan ona bertso-afaria?
















Gai-jartzailea: Jon Barrokal
Noiz: apirilaren 15ean, ostirala
Poteoa: 20:00etan Eusko Gudariak plazatik hasita
Afaria: 21:45ean Argia jatetxean (Gallarta)
Prezioa: 18 euro (izen-ematearekin batera 5€)

Informazioa: 94 636 94 47 / axolaelkartea@hotmail.com

2011/04/06

Korrika 17


Gaur da, gaur da eguna, euskalakari!

Korrika 17 gaur abiatuko da Trebiñutik eta 11 egunez Euskal Herrian zehar ibiliko da euskararen alde: ikasi, maitatu, ari... EUSKALAKARI!!


Meatzaldean apirilaren 15ean, ostirala, izango dugu. Hamaika ekintza antolatu dira: aurkezpenak, antzerkiak, poteoak, dantza-plazak... Beraz, animatu; izan ere, euskararekin batera, badator KORRIKA!!

2011/03/18

Irakurle Kluba: Suminaren estrategia

Mendekua hotz zerbitzatu behar omen da; norbere haserrea kontrolatu eta ondo pentsatu zer pauso eman. Eleberri honetan ere, ezkutuan gordetzen den protagonistak maisuki mugitzen ditu bere piezak, xake-partida erraldoi batean bezala: amodiozko minak, gazte sentiberen depresioak, balizko suizidioak… Norena da hari horiek guztiak elkartzen dituen eskua? Zein da estrategia horren azken helburua?Misteriozko eleberri guztiz erakargarri bat idatzi du Fernando Morillok, jakin-mina pizten duen joko intelektual baten moduan eraikia, arnasari eutsiz eta eskuetatik kendu ezinik irakurtzen dena, hasi eta buka.


Martxoaren 22an, asteartea, arratsaldeko 19:30ean Ortuellako Kultur Etxean.

Antolatzailea: Meatzaldeko Irakurzale Kluba

Babeslea: AEK

2011/03/01

Irteera: Baltzolako kobazuloak


NORA: Baltzolako kobazuloetara (Dima)

NOIZ: Martxoaren 5ean, larunbata

ORDUA: 10:00etan, Gallartako Osasun Zentrutik

Informazio gehiago: 94 636 94 47

Antolatzailea: Axola Euskara Elkartea

2011/02/18

Kanta tailerra

Informazio gehiago: 94 636 94 47

2011/01/24

Irakurle Kluba: Vikingoen sorterria


Hizpide izango den hurrengo liburua Xabier Mendigurenen Vikingoen sorterria izango da.

Informazio gehiago: Meatzaldeko Irakurzale Kluba